Program Lumba enggau Main KDJA-MLNG mulaika pengeregas raban pemberita gawa

October 6, 2014

KUCHING: Raban pemberita ari media chelak enggau elektronik sempat mulaika pengeregas ngereja pengawa seraya ke belelak, ngelengkaka komputer, pen enggau ‘tablet’, lalu sama-sama belelak nengah program lumba enggau main ti bisi di atur Gerempung Pemberita Pelilih Menua Kuching (KDJA) begulai enggau Malaysia LNG Sdn Bhd (MLNG).

Program ke diatur Hari Enam tu tadi dipenyadi Menteri Muda Pemansang Nembiak (Nengeri) Datuk Abdul Karim Rahman Hamzah sereta digulu Chairman KDJA Sulok Tawie, Presiden Gerempung Sarawak Lawn Tennis ti mega pemesai opis ke nyaga Le Park Dato Patrick Liew, Ketuai Corporate Affairs MLNG Norazibah Mohd Rabu enggau Ketuai Nembiak PBB Satok Iskandar Sharkawi.

Abdul Karim dalam jaku iya madah program raban pemberita begulai enggau sebengkah industri minyak enggau gis, sigi dikelaluka laban pengawa lumba enggau main bansa tu ukai semina pengawa CSR (Tanggung Pengawa Rama Korporat) MLNG aja tang seiti pengawa pengerai ke manah ungkup raban pemberita ke endang ditemu seruran gawa enda ngira jam tang patut bisi awak endur betatika pengerai diri empu.

“Pengawa pengerai baka tu ukai pengawa ke sekali setaun digaga tang patut dikemeratka ninting maya, enti ulih ninting hari kitai eksasais.

“Kelimpah ari nya mega, pengawa lumba enggau main bansa tu mai raban pemberita begempung enggau pangan diri bemain,” ku Abdul Karim.

Ba atur pengawa nya mega, Abdul Karim meri geran RM7,000 ngagai KDJA kena gerempung nya bejalaika aktiviti udah tu.

Pengudah bejaku ba atur pengawa nya, Abdul Karim ti mega nyadi Menteri Muda Pengawa Berumah dibai begulai enggau bala temuai ke bukai nguluka bala pesereta program betanda ‘Zumba’ diuluka raban Amber Studio, MJC Batu Kawa.

Karim reminds journalists to practise active lifestyle

October 5, 2014

Heave-ho as KDJA members pull with all their might in the tug-of-war tussle.

Media go nuts in sunshine on Sports Day at Le’Park

KUCHING: Journalists dumped laptops and tablets to let their feet do the talking at their annual Sports Day at Le’Park, behind civic centre here yesterday.

The outdoor event was organised by Kuching Division Journalist Association (KDJA) in collaboration with Malaysia LNG Sdn Bhd.

Assistant Youth Development (Urban) minister Datuk Abdul Karim Rahman Hamzah was delighted to officiate at the event where local print and broadcast media had no issues to raise for a change.

“This is a great activity that brings journalists together to strengthen ties and at the same time exercise and work out to keep healthy and rejuvenate the body and mind,” he said.

“It is very important for all of us to practise an active lifestyle despite our busy schedules to maintain a healthy body and mind,” Abdul Karim advised.

He also announced a RM7,000 fund to support KDJA in carrying out more activities to benefit its members.

Later, Abdul Karim together with Sarawak Lawn Tennis Association (SLTA) president Dato Patrick Liew and KDJA president Sulok Tawie joined a Zumba workout with journalists under the guidance of several instructors.

Urung 1,000 iku pengayuh basikal ngulu pengawa ‘Kayuhan Mesra Warisan 2014’ enggau ‘Hari Enda Bekerita’, 23 Feb

February 19, 2014

KUCHING: Program nepan basikal ‘Kayuhan Mesra Warisan 2014’ deka diatur begulai enggau ‘Hari Enda Bekerita’ (DBKU) kena 23 Februari tu ila deka mungkur penyauh lima kilometer ngelingi palan besejarah sereta palan ke suah dilawa temuai di bandaraya Kuching nyengkaum genturung pendiau Satok.

Menteri Muda Nembiak (Nengeri), Datuk Abdul Karim Rahman Hamzah madah program nya ke keterubah iya diatur.

Program nya ku iya dipasuk urung 1,000 iku pengayuh basikal ari genap renggat umur enda ngira tuai tauka biak, diatur begulai Kelab Lumba enggau Main Komuniti (KSK) Satok, Gerempung Pemuda Parti Pesaka Bumiputera Bersatu (PBB) Satok, Opis Malaysia Tourism, Opis Kaunsil Bandaraya Kuching Utara (DBKU), Opis Menteri Dagang Temuai Sarawak, Opis Menteri Pemansang Nembiak, Opis Pemadah Malaysia, Opis Pengelikun Jalai Alun (JKJR), YR1M, Gerempung Bebasikal Menua Sarawak enggau Polis Diraja Malaysia (pampang Trafik).

Iya madah program ke deka bepun ari pukul 6 pagi nya ari ‘Explanade Kuching Waterfront’ betuju ngeramika Taun Nemuai Ke Malaysia enggau Taun Nemuai Ke Sarawak 2014, meransang mensia mayuh bela ngerami aktiviti bepengerai bansa nya kelimpah ari belelak sereta ngangkatka pengawa dagang temuai nengah chara bebasikal.

Kelimpah ari nya mega, iya dikena meri kelai ‘duta’ mit pengawa dagang temuai Sarawak ba komuniti ditu.

Iya madah, jalai ke ditengah bebasikal, iya nya ari Explanade Kuching Waterfront Kuching nuju Jalai Ajibah Abol, Jalai Patingan, Jalai Kulas, Jalai Haji Taha lalu mulaika diri ngagai Explanade Kuching Waterfront.

Menteri Dagang Temuai, Datuk Amar Abang Johari Tun Openg deka bejadika atur pengawa nya ila.