KUCHING: Penatai kerita 4WD H5 enggau Wingle 5 bansa Great Wall meri peluang ngagai rayat nengeri tu milih bagi kerita ti dikedeka sereta dikerindu.
Pekara nya dipadahka Menteri Muda Pemansang Nembiak, Abadul Karim Rahman Hamzah maya bejaku bejadika Great Wall Tour 2013 ti diatur ditu, kemari.
“Kerita 4WD nyendiaka pilih ti manah ngagai rayat Sarawak sebaka enggau Sabah.
“Pejalai model tu ari Sabah ke Sarawak nunjukka pemanah model Great Well,” ku iya ti nyadi Menteri Pengawa Berumah seraya madahka kereta nya senipak enggau gaya jalai alun di nengeri tu.
Pengudah bejadika pengerami nya, Kaban Kunsil Nengeri Asajaya nya mega ngambi awak ngujika kerita Great Wall Wingle 5.
Pengawa Great Wall of Borneo 2013, palan ke penudi di Kuching ti diatur ba Travillion Mall. Sebedau tu pejalai kerita nya berengkah ari Kota Kinabalu, Sandakan, Tawau, Miri, Bintulu enggau sibu.
Pengawa bejalai seraya ngelakuka kereta model Great Wall dikena ngajar sereta bekunsi penerang enggau orang mayuh pasal kualiti enggau pemanah bansa kereta nya.
Pemar ti ditapi, deka meri penerang enggau ngubah runding orang mayuh ti madahka kerita ari menua China kurang kualiti enggau produk teknologi ti baruh.
Entara aktiviti diatur sepemanjai pengerami nya nyengkaum pengawa nguji kerita, 45 degree ramp, tight slalom course enggau skeleton trail ti nunjukka pengelebih enggau kuasa Great Wall Wingle 5 enggau H5 enggau mayuh program kebukai.
Orang mayuh ti deka nemu pasal model Great Wall Wingle 5 enggau H5 tau datai ngagai Great Wall Tour of Borneo 2013 ti ditaur ba Travillion Mall di Kuching kemari (13 Julai) enggau sehari tu.
Sama bisi ba pengerami nya kemari, CEO Greenorange, Sales & Servisce Sdn Bhd, Sheikh Muhamad Azli Tan Sri Sheikh Muhamad Nasuddin enggau Executive Director YLH Autoworld Sdn Bhd, Hong Boon Pau.
No comments:
Post a Comment