Pages

Tuesday, 15 January 2013

Abdul Karim bebulaka penemu Chong ke benadaika ungkup rumah rayat ba bajet

Posted on January 15, 2013, Tuesday

SIBU: Sarawak diungkupka bajet ti chukup dikena ngaga rumah mensia mayuh ari baruh Belanjawan Negara 2013 nengah atur kunsi perintah besai enggau nengeri.

Menteri Muda Pengawa Berumah Abdul Karim Rahman Hamzah madah, berita ke dibantai Seketari DAP Chong Chieng Jen madahka perintah nengeri nadai diungkup enggau bajet dikena ngaga rumah ungkup mensia mayuh nya enda amat.

Ku iya, Sarawak ngembuan polisi ke diri empu nengah chara nyediaka palan tauka tanah ti besai ngambika ulih dikemansang kompeni luar kelimpah ngaga rumah ungkus mit.

“Sebagi ari bajet rumah ungkup ngaga rumah perintah nengeri ari perintah besai. Sarawak mega bela bisi diungkup enggau bajet ti besai ari progrem ngaga rumah ari baruh Bajet 2013 menua tu.

“Perintah nengeri deka nyedia pekara bukai baka nyediaka tanah alai ngaga rumah kelimpah nempa atur kunsi entara perintah besai enggau nengeri,” pia ku iya nerangka.

Abdul Karim ti mega Menteri Muda Pemansang Raban Nembiak enggau ADUN Asajaya madah, tebal agi pengawa ngaga rumah dipegai kompeni luar.

Perintah ku iya, semina ngintu polisi nengah ijinsi perintah ti bekaul tang taja pia nadai kaul ngaga rumah.

Karim madah, ijinsi tu deka gawa nitihka atur diri empu lebih agi ngaga rumah ungkup mensia mayuh.

Tu ku iya laban rumah tu dikemansangka nengah mayuh kataegori kelimpah bisi subsidi diberi perintah ngambika bela ulih dibeli bala ti bepenatai pemisi jelan pemesai.

Sekeda ari rumah tu baka Rumah Mampu Milik, Rumah Mesra Rakyat, Rumah Prima1Msia enggau mayuh ai.

“Di Sarawak, kitai mega bisi ngembuan polisi ti nejuka kompeni luar iya ke ngaga rumah ngambika ulih ngaga rumah ungkus mit dulu ba palan alai projek sida.

“Taja pia kitai enda ulih majak nyalahka perintah laban enda ulih ngatur rega rumah. Tu laban rega rumah dijual nitihka ikas rega makit enggau peminta ari mensia mayuh,” pia ku iya nambahka baru.

No comments:

Post a Comment