KUCHING: Rega rumah bisi udah niki urung 10 persin sepengudah rega tanah dalam kandang nengeri niki dalam timpuh setaun ke udah, ku Menteri Muda Pengawa Berumah Abdul karim Hamzah.
“Dalam timpuh setaun ke udah, rega tanah bisi udah niki lalu tu mega ngujungka rega rumah bela niki.
“Entara pekara bukai ke nyadi kebuah rega rumah niki 10 persin iya nya ketegal rega minyak, semin, bata, besi enggau perengka bukai ti dikena begagaka rumah niki magang,”ku iya.
Iya mansutka jaku tu lebuh dikerandau pemberita sepengudah bejadika “SHEDA Home and Property Road Show-Kuching 2012’ ke diatur ba palan bebeli barang Boulevard ditu, kemari.
Ku iya, taja pia rega rumah kos mit enggau jelan pemesai mengkang ba rega baka ke selama lalu nerima peminta ke manah ari orang meli rumah.
“Rumah kos mit sereta jelan pemesai nerima peminta ke chukup manah maya diatu berindik ari pengawa raban nembiak ke udah bisi pengawa deka ngempu tauka meli rumah ungkup kediri empu.
“Palan berumah ke manah seruran nerima peminta ke tinggi ari mensia mayuh lalu pekara tu semampai diperatika pemeli rumah sebedau ngambi pemutus meli rumah nya,”ku iya.
Karim mega madahka perintah deka bejalaika pengawa mantau rega rumah ngambika enda kelalu majak niki.
Pengawa mandangka rumah nya deka diatur sepengelama tiga hari berengkah 17 nyentukka 19 Februari 2012 lalu mensia mayuh ke ngembuan ati ka meli rumah diperansang datai.
No comments:
Post a Comment