SIBU: Ulah DAP ngenyemakka diri enggau peranak menua pesisir nengah surat berita sebengkah chara dikena mechahka penyerakup bansa sereta ngiri pemenchi rayat ngagai perintah ba kubu kuat Barisan Nasional (BN).
Kaban Kaunsil Tinggi PBB Datuk Abdul Karim Rahman Hamzah madah, pekara tu sigi bisi nyadi laban parti ke asal ari kandang mengeri nadai kala dipeda beberapa taun ke udah deka ngetanka penyerakup tang rindu agi ngiri pemenchi sereta mechahka kaul bansa.
Abdul Karim, ke mega Menteri Muda Pemansang Raban Nembiak enggau ADUN Asajaya, madah munyi nya nyaut riput DAP Sarawak udah bejalaika pengawa bekimpin ngayanka diri nengah surat berita dalam Jaku Malaysia nyadung penerang enggau polisi politik parti nya ngagai rayat ti diau di menua pesisir.
Chairman DAP Sarawak, Chong Chieng Jen nitihka riput madah, ulah ke baka nya sebengkah ari kimpin ‘Impian Sarawak’ enggau Kimpin DAP NeresaMenua Pesisir.
“Aku enda nemu pasal surat berita tu dikena nyadung penerang tauka polisi politik enggau rama tauka dikena ngerachun runding rayat sereta mechahka penyerakup bansa.
“Asai aku niat parti tu (DAP) lebih berat agi ngagai naburka pemenchi antara diri sama diri enggau perintah…Iya ke ditemu aku ngelama tu DAP nadai kala ngetanka penyerakup bansa tang berat agi ngemeranka ulah mechahka penyerakup bansa enggau ngiri pemenchi ngagai perintah,” ku Abdul Karim.
Kelimpah ari nya mega, Sapit Sekretari Besai SPDP Paul Igai pechaya rayat menua pesisir udah tuai runding bekaul enggau pelin parti penyakal nya.
Igai madah, rayat ulih nyadi hakim nentuka pengawa DAP nya ulih nyadi nyata tauka enda.
“Lakka rayat empu nyerenih nama utai dikereja sida…lalu mandingka nama utai udah dikereja kitai (BN) ngagai rayat ba atur pemansang sosio ekonomi peranak menua pesisir,” ku iya.
Bedau lama tu tadi, Chong madah, parti DAP udah nyelak 20,000 surat berita volium keterubah lalu deka disadung sechara pechuma ngagai mensia mayuh.
Iya madah, surat berita nya semina dikeluar tetiap bulan ketegal penanggul belanja.
No comments:
Post a Comment