Tuesday 27 July 2010

Sekiteri Politik ke baru dikandal nangkup tanggung pengawa enggau angkun


KUCHING: Sapit Kepala Menteri Datuk Patinggi Tan Sri Alfred Jabu manggaika pengarap ngagai bala Sekiteri Politik Kepala Menteri bejalai ke tanggung pengawa sida enggau naka pengangkun.

Jabu madahka, orang ti dipilih mangku pengawa tu nang chukup dikandal.

Ku iya, nya alai iya ngarapka bala sekitari politik tu bejalaika tanggung pengawa nitihka juluk ti dikarapka perintah.

“Sida ti dipih tu endang orang ti chukup dikarapka ulih bejalaika tanggung pengawa sida.

“Nya alai sida tu patut ngayanka diri ulih bekereja lalu mujur bejalaika tanggung pengawa sida nitihka juluk ati perintah,” ku Jabu.

Jabu mansutka jaku tu ngagai pemberita udah ti ngulu pengerami ngangkat sumpah mangku pengawa nyadi Sekitaeri Politik ditu kemari.

Bisi empat iku orang baru ti dipaduka mangku pengawa nya ngangkat sumpah sida ba mua Datuk Patinggi Jabu.

Pengerami tu diatur ba Opis Kepala Menteri Sarawak Wisma Bapa Malaysia.

Sida tu iya nya Kaunselor Kijan Toybee @ Ipang ari Parti Progresif Demokratik Sarawak (SPDP), Angelin Umih Tuyoh ari Parti Rakyat Sarawak (PRS), Sih Hua Tong ari Gerempung Sa’ati Rayat Sarawak (SUPP) enggau Tengku Gruna ari Parti Pesaka Bumiputera Bumiputera (PBB).

Enggau tu dia Saarawak bisi 23 Sekiteri politik ari empat iti parti komponen BN nya.

Ketuai Sekiteri Politik ke Kepala Menteri Abdul Karim Rahman Hamzah lebut ti dipinta ngenangka pemadu empat orang baru tu, ngarapka sida angkun bejalaika tanggung pengawa ngetanka penegap politik menua tu.

Ku iya, semua sida tu sigi bisi penelaba bejalaika tanggung pengawa politik, nya alai iya andal amat ati ke sida empat tu ulih ngetanka pengering BN ba maya ti deka datai.

“Semua sida tu bisi peneleba nya alai aku sigi arap bendarka sida tu ulih bejalaika tanggung pengawa sida negapka politik BN udah tu ila,” ku iya.
   

No comments:

Post a Comment