KUCHING: Bagi menua Kapit naka ke diatu bedau dirintaika dalam lis endur ngaga Rancangan Perumahan Rakyat (RPR)ungkup raban orang petengan.
Taja pia menua Kapit bisi dalam rintai lis endur ngaga Rumah Mesra Rakyat (RMR) lebuh Opis Menteri Pengawa Berumah nengah Opis Pemansang Pengawa Berumah (PPP) deka ngaga 22 unit dalam taun tu.
Pekara tu dipansutka Menteri Muda Pengawa Berumah Abdul Karim Rahman Hamzah ba hari kedua Aum Kunsil Nengeri (DUN) Ke-17.
Ungkup pelilih Mit Menua Song, Karim madah naka ke diatu PPP udah nembuka 28 unit Rumah Ulih Diempu (RMM) ba Jalai Takan, pasar Song.
Iya madahka, 83 buah agi RMM deka digaga enti sema belanja ungkup projek nya dikemendarka.
Ku iya baru, ba Sarikei dalam timpuh empat taun dudi tu ila, Opis Menteri Pengawa Berumah merambu deka ngaga urung 300 buah RMM unkup orang bepenatai pemisi mit ba menua nya.
No comments:
Post a Comment